Главная » 2013 Июнь 6 » AZOBIM ASRAYMAN, YASHAYMAN KO`NIB.
22:58 AZOBIM ASRAYMAN, YASHAYMAN KO`NIB. |
AZOBIM ASRAYMAN, YASHAYMAN KO`NIB.
Tong otdi, mazmunli kundan umid bor. Shamol ochgan parda, mo`ralar quyosh. G`amli dil visoldan mudom umidvor. O`ylayman yostiqdan uzgim kelmay bosh. O`ylayman, rejalar tuzaman kunlik, Bir maqsad birinchi bo`laveradi. Istayman visoling, mayli bir zumlik. Ko`rmasam dilga dard to`laveradi. Shu bugun uyqudan ertaroq turib, Ko`zgu qarshisida saralay kiyim. Yuragim talpingan tomonga yurib, Sevgi sahnasida o`ynayin o`yin. Eskirdi yo`lingga atirgul sochish. Taqdim etgim kelar yangicha sovg`a. Dadang quvlaganda maroqli qochish. Xech qanday xatardan qo`rqmayman, tavba! Bugun yo`llaringda bo`lishar paydo, Ishqimning ta`rifi she`riy dil xatlar. Bari betakror-u, ammo bir ma`no. To`ldi ikki yuz o`n varoqli daftar. Qadam qo`ysang, maktub oyog`ing quchar, Uzoqdan boqaman qo`zg`alar rashkim. Samoda o`n bir oq kabutar uchar, Soching shamolidan qo`zg`alar ishqim. Sokin qadam tashlab kelasan asta, Men bilan tugaydi xat to`la yo`ling. So`nggi maktub qo`ngan go`zal guldasta, Gulgamas maktubga uzanar qo`ling. Maktubimni o`qib titrar dudog`ing. Ishqdan yo uyatdan qizarar yuzing. Tishlab qo`ygim kelar shunda qulog`ing, Ko`zimga xech tikka boqmaydi ko`zing. Ishqiy hayajondan chidolmay tanam, Qarshingda tizzalar tegadi yerga. Bir zumga urishdan to`xtaydi jon ham, Go`zal guldastani tutaman senga. So`ngra yo`lda birga etamiz davom. Chin oshiqlar bizga qilishar havas. Dilda qoldirmaymiz xech qanday armon. Oshiq yurak bilan olamiz nafas. *** Yo`q hammasi chalkash, hammasi xato! Ketgansan-ku mendan, kechgansan axir. Bu hayol hayotga ko`chmaydi aslo. Dildagi shirin his alamli taxir. Mana kun boshlandi, kayfiyat xarob. Har tong bir eslayman yurakni qiynab. Endi ishqim sahro, sen olis sarob. Oxir uloqtirding qalbim ming o`ynab. Sen sevgi axtarib yuraver daydib, U bog`dan, bu bog`ga tez uchib, qo`nib. Men she`rlar yozaman dardlarim aytib, AZOBIM ASRAYMAN, YASHAYMAN KO`NIB. AKBAR SHOH.  |
|
|
| Всего комментариев: 4 | |||||
| |||||
