O`zgani demas.

 "Unuting” deysan jonim bu oson ishday,

Bu so`zing yurakka sanchilar nishday,

Sensiz o`tar kunim qaxraton qishday,

Zorga zor bu qalbim lek zo`rga zo`rmas,

Netay ko`nglim sendan o`zgani ko`rmas.

Seni bir ko`rishda sevgandim jonim,

Baxtga to`ldirganding deya "sultonim”

Sensiz muzlab oqar tanamda qonim,

Ishqdan maqsad visol unutish emas,

Netay ko`nglim sendan o`zgani demas.

Sening sevging meni baxtiyor qildi,

Mag`rur boshim faqat senga egildi,

Nechun o`rtamizga nomardlar tiqildi,

Ular ishq vafoni also o`ylamas,

Netay tilim sendan o`zgani so`ylamas.

Seni berarmishlar boshqa bir yorga,

Mening ko`nglim ko`nmas  o`zga dildorga,

Undan ko`ra bu jon osilsin dorga,

Mendan o`zga senga chin vafodormas,

Netay sensiz tanda jonim ham jonmas,

Umiding so`ndirma xali vaqtimiz bor,

Dunyoda eng aziz pok ahdimiz bor,

Ishq uchun rahnamo bir Tangrimiz bor,

Ishqdan maqsad visol unutish emas,

Netay ko`nglim sendan o`zgani demas.

                                           Akbar Shoh.