Ота насиҳати.

"Дунёга енди сал жиддийроқ қара.

Давлат топмасанг ҳам, иймонни сақла!

Дунё деб, болам деб қалби минг яра.

" Отам айтди: "Ўғлим онангни асра!"

"Истаган истагинг қўлингга тутган,

Салгина кечиксанг жон ҳалак кутган,

Ҳаёти гаровда сизларни туққан.

" Отам айтди: "Ўғлим онангни асра!"

"Қўлларингдан тутиб юргизган шудир.

Турмасдинг, оёққа тургизган шудир.

Кўрмаган дунёнгни кўргизган шудир.

" Отам айтди: "Ўғлим онангни асра!"

"Чиқарди таълиминг тарбиянг, савод.

Улғайтирди бўл деб комил бир авлод.

Минг бор такрорлайман айтаман бод-бод.

" Отам айтди: "Ўғлим онангни асра!"

"Кунларинг нурафшон айлаган офтоб.

Тунларинг чароғон айлаган моҳитоб.

Арзийди бир умр айласанг тавоф.

" Отам айтди: "Ўғлим онангни асра!"

"Елиб югуради ким деб? Сен учун.

Учиб улгуради ким деб? Сен учун.

Жонин куйдиради ким деб? Сен учун.

" Отам айтди: "Ўғлим онангни асра!"

"Бахтингни ўйлаган меҳрибонинг шу.

Тарбиянг аввали нигоҳбонинг шу.

Қадрла энг арзир қадрдонинг шу.

"Отам айтди: "Ўғлим онангни асра!"

"Онадир дунёда энг улуғ аёл.

Майли мендан хатто сўрама аҳвол.

" Ўзи тўшакда-ю, ўзи хастаҳол.

Отам айтди: "Ўғлим онангни асра!"

                                   Акбар Шоҳ.

Зафаробод. Дилмурод Акбаров. +99 891 940 14 19