Oqibat.

Kimdir do`st yor uchun jonini berar,

Kimlar nohaqlikka beparvo turar,

Har kim o`zi uchun yugurar yelar.

Odamlar orasida sarson oqibat.

Kimgadir doimo hamroh baxt-omad,

Kimningdir ortidan quvar mol-davlat.

Kimning usti yupun, ro`zg`ori qahat.

Manzilini izlab giryon oqibat.

Qarindoshlar yurar, begona yotdek.

Bir-birini surar, uloqchi otdek.

Yana tanbeh berar, avliyo zotdek.

Mehrsiz dillarda hayron oqibat.

Iymonni unutgan, insof begona,

Mansabdan havolanar, go`yo yagona.

Tanimaydi xatto do`st, ota-ona.

Iymonsizlar aro uryon oqibat.

Hissiz yuraklarda muhabbat qolmagan.

Erkak-u ayolda, or, iffat qolmagan.

Sovuq nigohlarni nafrat qoplagan.

Muhabbatsiz dilga armon oqibat.

                                      Akbar Shoh.