Nigohlar to`qnashib.

Nigohlar to`qnashib qolganda bir kun,

Ko`zingiz qaylarga olib qochgaysiz?.

Dunyo titragandek bo`ladi bir zum,

Endi avvalgidek mehr sochmaysiz.

Aytgan so`zlaringiz ko`ksimda tig`day,

Qadalar siz buni xatto bilmaysiz.

Alvido so`zingiz bo`g`zimda cho`g`day,

Bir vafo qilmasdan bag`rim tilgaysiz.

Davosi yo`q dardga yo`liqgandayman.

Ajal bo`lib keling meni o`ldiring.

Yig`lab-yig`lab oxir toliqgandayman.

Yolg`on sevsangiz ham kelib ko`ndiring.

Mayli, sevmang meni, men sizni sevay.

Dunyodan sevgim-la o`tay hech qursa.

Sizdan kecholmadim, jonimdan kechay.

Yuragim siz desa, siz uchun ursa.

                                   Akbar Shoh.