Ko`ngil talabi.

Qalbim yarasidan to`xtamaydi qon,

Ulg`ayib bormoqda tobora armon.

Kimga ishonishni bilmay qoldimku,

Har tomonda aldov, har yonda gumon.

Ko`kda uchgan edim orzular bilan,

Yurakda pokiza tuyg`ular bilan.

Yolg`onga yo`liqib yiqilganimda,

Kimlar shodon o`tdi kulgular bilan.

Kimdandir ranjidim sabab, besabab.

Kimga kerak ko`rdim mol-dunyo, mansab.

Ko`nglimga hech narsa kerakmas faqat,

Va`dalar ijrosin qiladi talab.

                                            Akbar Shoh.