Жиззах вилояти Зафаробод ш-часи Дилмурод Акбаров. +99891 940 14 19

      Хотира ВАТАНДИР, хотира МИЛЛАТ.

Эй, кўзи юлдуздек чақнаган ўғлон.

Ўзинг, ўзлигингга қилгин эътибор.

Миллатинг тарихин ўйлагин бир он.

Эринма! Хотира майдонига бор.

Ўзингга бер савол "мен кимман" дея.

Буюк Ватан нима англамоқчи бўл.

Бошинг қотса ХАЛҚни билмай не дея.

Хотира майдонга бошлаб борар йўл.

Бутун саволингга жавоб бундадир.

Балки бобонг номи ёзилган зарҳал.

Жамики тарихи-миллат шундадир.

Аждодларинг битган тарихий ҳарфлар.

Миллатнинг юраги ёнаётган олов.

Ўтмишга боғловчи илоҳий кўприк.

Сокин бўлар бунда ҳаёлинг асов.

Тарих сўзлар сукут, замонда жимлик.

Шу сокинлик сенга барин англатар.

МИЛЛАТ, ВАТАН, ХАЛҚ не юрагинг туяр.

Кимман деган савол ақлинг чархлатар.

Жисмингда соф миллий бир юрак урар.

Энг азиз қадамжо асли шу макон.

Миллат буюклиги исботи шудир.

Бунда ғурур сезсанг бўлмагин хайрон.

Буюк бир ўтмишнинг хайрати будир.

Ўйлама қонли жанг қурбонлари деб.

Бу ном уларга хеч ярашмайди бас!

Билгин ХАЛҚИМ БОТИР ЎҒЛОНЛАРИ деб.

Хотира абадий, жон беришганмас.

Минг такрор айтаман бутун тарих бу.

Миллатнинг бор буди шу маконда жам.

Халқ дарахти унган кучли илдиз шу.

Борлигимиз шунда, шундадир ВАТАН.

Буюк аждодларинг қурган иморат.

Сенга энг севимли меъросдек бўлсин.

Уларнинг хизмати кучли бу давлат.

Хотирла! Қабрлари нурларга тўлсин.

Эй, ўз ўзлигини англаган дўстим.

Бекорга кетмасин қўлдаги  имкон.

Халқимиз тарихин қўяйлик устун.

Зиёрат айлайлик ХОТИРА МАЙДОН.

                                                                            Дилмурод Акбаров.

Жиззах вилояти Зафаробод ш-часи Дилмурод Акбаров. +99891 940 14 19

              Ватан надур.

Ватан онам ёпган ширмонлардадур.

Ватан отам йиғган хирмонлардадур.

Ватан кўксимдадур, шу жонлардадур.

Ватан деб ёнмаса, урмасин юрак.

Ватан деб урмаса, керакмас бу жон.

Ватан болалигим ўтган боғларда.

Ватан шаъним каби осмон тоғларда.

Ватан энг мунаввар нурли тонгларда.

Ватан деб ёнмаса, урмасин юрак.

Ватан деб урмаса, керакмас бу жон.

Ватан ҳалол ноним, меҳнатимдадур.

Қувончим бахтим, хам заҳматимдадур.

Ватан Оллоҳ берган неъматимдадур.

Ватан деб ёнмаса, урмасин юрак.

Ватан деб урмаса, керакмас бу жон.

Ватан келажагим, ўтмишимдадур.

Ватан кўргулигим, кечмишимдадур.

Ватан қайтар жойим, кетмишимдадур.

Ватан деб ёнмаса, урмасин юрак.

Ватан деб урмаса, керакмас бу жон.

Ватандур бобомнинг муқаддас қабри.

Ватандур тарихнинг исёни, сабри.

Ватандур беватан хоиннинг жабри.

Ватан деб ёнмаса, урмасин юрак.

Ватан деб урмаса, керакмас бу жон.

Ватан оилам тинч яшаган макон.

Ватан муҳаббатни англатган ошиён.

Ватандур қўлдаги миллионлаб имкон.

Ватан деб ёнмаса, урмасин юрак.

Ватан деб урмаса, керакмас бу жон.

Ватан дилимдадур, ич - ичимдадур.

Ватан оримдадур, хам кучимдадур.

Ватан осойишим, хам тинчимдадур.

Ватан деб ёнмаса, урмасин юрак.

Ватан деб урмаса, керакмас бу жон.

Ватаним, буюгим давлатимдадур.

Ватаним оримдур, савлатимдадур.

Эл аро эшитган раҳматимдадур.

Ватан деб ёнмаса, урмасин юрак.

Ватан деб урмаса, керакмас бу жон.

Ватан онам каби ёлғиз меҳрибон.

Ватандур отамдек сергак нигоҳбон.

Ватан дилим яшнатган илоғий боғбон.

Ватан деб ёнмаса, урмасин юрак.

Ватан деб урмаса, керакмас бу жон.

Ватан уйқумдадур, сергаклигимда.

Ватан яхшиликка тиргаклигимда.

Ватан камолотим, гўдаклигимда.

Ватан деб ёнмаса, урмасин юрак.

Ватан деб урмаса, керакмас бу жон.

. . .

Ватан онам ёпган ширмонлардадур.

Ватан отам йиғган хирмонлардадур.

Ватан кўксимдадур, шу жонлардадур.

Ватан деб ёнмаса, урмасин юрак.

Ватан деб урмаса, керакмас бу жон.                             

Акбар Шоҳ.                                                                            

Дилмурод Акбаров.