Kimgadir sezildi . . .

Kimgadir sezildi bor, yo`qligimiz.

Kimga og`ir botdi sal sho`xligimiz.

Ortimizda turli gaplar aylandi,

O`zimizga ma’lum och, to`qligimiz.

Yuzimiz kulganda bilishdi xushvaqt.

G`animlar qon qusdi ergashganda baxt.

O`zimizdan o`tganni, o`zimiz bildik.

Bizni tushunmadi hech kimsa hech vaqt.

Ichimiz quvonchda xomushroq bo`ldik,

Kamligimiz yo`g`u sal bo`shroq bo`ldik,

Do`stlar kulfatingda sinalar ekan.

Sinadik, kim do`st, kim noxushroq bildik.

G`iybatni ortidan quvib yurmadik.

G`iybatchidek nokas odam ko`rmadik.

Asablar buzildi, sababchini topdik.

Qo`limizni bulg`ab bekor urmadik.

Yor dedik, yorlar ham bevafo bo`ldi.

Ko`rsatgan hunari ming jafo bo`ldi.

Dunyoda sevgini sotilmas derdik.

Yorimiz savdogar ishq savdo bo`ldi.

Nima bo`lsa bo`ldi qoldi ortimda.

Yaxshi kunlar kutar bizni oldinda.

Har tunda chiroyli tongdan umid bor.

Tangridan yaxshilik so`radik har kunda.

                                        Akbar Shoh.