Imkon ber qalam.

Dardi ko`p dunyodan nolib yozarkan.

Og`rilar birovdan olib yozarkan.

Bevafo so`zidan tonib yozarkan.

O`z she’rim yozishga imkon ber qalam.

Ko`nglimda qolmasin zarra g`am alam.

Oshiq bo`lib ishqdan dostonlar yozay.

Dard to`lib ichimga armonlar yozay.

Baxt qo`nib yelkamga xush onlar yozay.

O`z she’rim yozishga imkon ber qalam.

Ko`nglimda qolmasin zarra g`am alam.

Volidamga yozay mos qasidalar.

Otamning sha’niga xos baxshidalar.

Ma’nolarga to`lsin soz aqidalar.

O`z she’rim yozishga imkon ber qalam.

Ko`nglimda qolmasin zarra g`am alam.

Kimdir so`zlarimdan xulosa olsin.

Xofizlar baytlarim kuylarga solsin.

Dunyodan men o`tay, she’rlarim qolsin.

O`z she’rim yozishga imkon ber qalam.