Endi sevolmayman.

Unga asir edi ko`r ko`ngil qushim,

Husni o`g`irlagan bor aql-u hushim.

Bog`lanardi unga xattoki tushim.

Endi sevolmayman, uylanmayman man.

Faqatgina kelin oladi onam.

Dushmanni do`st qilishga chog`lanibmanku,

Yolg`onga zanjir-la bog`lanibmanku,

Bevafo yor uchun dog`lanibmanku.

Endi sevolmayman, uylanmayman man.

Faqatgina kelin oladi onam.

Asli yo`q qasrga kirmoqchi bo`ldim,

Yolg`onlarni rostga burmoqchi bo`ldim,

O`zim ko`nglim uchun yolg`onchi bo`ldim.

Endi sevolmayman, uylanmayman man.

Faqatgina kelin oladi onam.

Bir aldangan ko`ngil ishonmas boshqa,

Xaqorat yoqmaydi xattoki toshga,

Ne balolar solding Tangrim bu boshga.

Endi sevolmayman, uylanmayman man.

Faqatgina kelin oladi onam.

Hech kim arzimaydi mani sevgimga.

Arshda yetishaman o`zim tenggimga.

Farishtalar malak bo`lar sevgimga.

Endi sevolmayman, uylanmayman man.

Faqatgina kelin oladi onam.

                                                  Akbar Shoh.