Bir bora tushungin.

Zo`rg`a yashayapman yuragim xasta,

Qalbimda yig`ilgan alam bir dasta,

Kelmasang to`xtaydi bu yurak asta,

Bo`ldi bas qiynama, qiynama meni,

Bir bora tushungin sog`indim seni.

Xijrondan ko`zlarim sarg`ayib ketdi,

Xolim ko`rib Majnun jilmayib ketdi,

Sensiz yashamoqdan ruh to`yib ketdi,

Bo`ldi bas qiynama, qiynama meni,

Bir bora tushungin sog`indim seni.

Dardga to`lgan tanda ko`ngil qolmadi,

Ayriliq meni ne ko`yga solmadi,

Seni degan yurak sendan tonmadi,

Bo`ldi bas qiynama, qiynama meni,

Bir bora tushungin sog`indim seni.

Ko`z ochib ko`rganim, sen faqat sensan,

Sevgilim deganim, sen faqat sensan,

Dunyoda bir sevganim, sen faqat sensan,

Bo`ldi bas qiynama, qiynama meni,

Bir bora tushungin sog`indim seni.

Dildan chiqar ovoz seni chorlaydi,

Har bir so`zim, har sas seni chorlaydi,

Balki bu so`nggi nafas seni chorlaydi,

Bo`ldi bas qiynama, qiynama meni,

Bir bora tushungin sog`indim seni.

Yuzingni ko`rsatmay o`ldirma meni.

                                             Akbar Shoh.